VIGAN CITY – Imbingay ni Caoayan Mayor Germelina Goulart dagiti schedule of activities para iti panagpiesta iti ili ti Caoayan.
Iti pannakipapatang ti Bombo Radyo Vigan ken ni Mayor Goulart, mairugi iti selebrasyon inton November 8 babaen ti misa ken maisaruno iti panagprosisyon ta isu ti piesta ni Nuestra Señora dela Esperanza.
Inton November 9 ket mailukat ti boardwalk ken tourism center iti mestizo river idiay Pandan iti alas singko iti malem ken addanto pay iti misa ken cutting of ribbon kasta payen nga adda iti maisayangkat a concert.
Inton November 11 ket maaddaan ti street dancing iti alas dos iti malen a pakipasetan iti amin a barangay ken show down iti alas singko iti malem a maangay iti gymnasium iti Caoayan.
Maisayangkat met inton November 12 iti Agri-NGO secotr day a pakaitampokab iti best dress banbandi iti oras iti alas nuebe iti bigat, ken maisayangkat ti championship iti basketball.
Maaddaan iti rescue Olympics inton November 13 iti alas otso iti bigat idinto nga inton November 14 ket pre-pageant para iti Miss Caoayan.
Kas panangbigbig met kadagiti mangisursuro iti nasao nga ili ket maaddaan ti DepEd day a pakaisayangkatan ti tiktok challenge iti oras iti alas singko iti malem ken inton November 16 ket isun ti pannakailagip iti panagkasangay ni dati a Presidente Elpidio Quirino babaen ti maisayangkat a misa, parada ken wreath-laying iti bigat idinto a ti rabii ket isun ti search for Miss Caoayan, ket ti mangabak isu ti maisali para iti Miss Ilocos Sur.
VIDEO AUDIO – CAOAYAN MAYOR GERMELINA GOULART
