Opisialen nga inwaragawag ti FIFA ti sumaruno a host ti FIFA World Cup 2030 ken 2034,
Ti 2030 edition ket pagbingayan dagiti pagilian nga Spain, Portugal ken Morocco idinto a ti 2034 ket ti Saudi Arabia a kakaisuna a nag-bid tapno maala ti hosting.
Adu a grupo met ti saan nga immanamong iti panaghost ti Saudi Arabia iti nasao a torneyo.
Segun ken ni Michael Page, deputy director ti Middle East ken North Africa ti Human Rights Watch, maaddaan iti adu a panaglabsing iti hosting ti Saudi Arabia ta sumagmamano kadagiti isyu a mabalin a rumuar ket ti panagabuso kadagiti migrant worker, freedom of speech ken karbengan dagiti minority group ti nasao a pagilian.
Iti hosting ti Saudi Arabia ti World Cup ket mangipatakderda iti sangapulo ket maysa nga stadium ken 185 a baro a hotel rooms.
