Pinasingkedan ti House Prosecution Panel a mabalin a babalawen wenno palagipan ti Senate Impeachment Court ni Vice President Sara Duterte gapu kadagiti nagbalin a saritana kontra iti impeachment trial.
Kangrunaan nga in-example ni House Prosecutor Spokesperson Atty. Benjamin “Jay” Tolosa Jr. ti kinuna ni VP Sara a bending the law iti maisaysayangkat nga impeachment trial.
Impaganetget ni Tolosa a sakup pay ti sub judice rule ni VP Sara malaksid kadagiti abogado ti prosecution ken depensa.
Segun ken ni Tolosa, dagiti sarita ni VP Sara ket mabalin a makadadael ti integridad iti impeachment court ken mabalin nga agresulta iti panagdudua iti aniaman nga agbalin a pangngeddengda.
Gapu dayta ket mangnamnama iti biang ti prosecution nga agbalin a patas ti impeachment court iti panangipatungpal kadagiti pagannurotan iti trial kangrunaan iti sub judice rule.
