Impaganetget ni Sarah Discaya, owner iti Alpha & Omega Gen. Contractor and Development Corporation nga ‘spliced’ ti interview a nangdakamatanna a bimmaknangda kadagiti proyektoda iti Department of Public Works and Highways (DPWH).
Iti panagdengngeg ti Senate Blue Ribbon Committee, kinuna ni Discaya a pinuted wenno na-splice ti interview kenkuana ken saan a naipakita ti intero nga statement.
Inlawlawagna a sakbay a simrekda iti DPWH, immuna a nakaalada iti proyekto manipud kadagiti lokal a gobierno.
Kwinestyon met ni Senate President Pro Tempore Jinggoy Estrada ti nagbalin a trabaho ni Discaya sakbay a sinerrekna ti kontrata iti gobierno.
Pinasingkedan pay ni Discaya a 2012 da pay laeng a nangrugi a sumali iti bidding ti DPWH ken 2016 idi nakastrekda kadagiti flood control projects.
