Binabalaw ni Vice President Sara Duterte ti administrasion ni Presidente Ferdinand Marcos Jr. gapu iti ngimmato nga utang ti pagilian ken kinaawan ti trabaho.
Segun ken ni VP Sara, saan a nakapokus ti administrasion ket ad-adda pay nga ipangpangrunada dagiti kritiko ken isyu iti pulitika.
Binalawna pay ti pannakalapped iti wayawaya iti panagipadamag gapu kadagiti damag iti plano a panangipa-subpoena dagiti dadduma a personalidad a mangsupsuporta ken ni dati a Presidente Rodrigo Duterte.
Nupay kasta, kinuna ti bise presidente a mabalin latta a tuladen ti Pilipinas ti naurnos a transport system ti Netherlands, ken impaganetgetna a karaman kadagiti napateg nga isyu ti pagilian ti seguridad, agrikultura, imprastraktura, salun-at ken transportasyon.
