VIGAN CITY – Maragsakan ti Santa Volunteer Rescue Team wenno 702nd Auxiliary Squadron Rescue Unit ti naawatda a pammadayaw manipod ti Philippine Coast Guard.
Iti pannaki-uman ti Bombo Radyo Vigan kenni Brgy. Captain Genaro Bong Cacho, maragsakanda iti naawatda a pammadayaw manipod ti PCG ta nakitada ti bunga iti addang nga araramiden da a tumulong no adda iti mapasamak a didigra ken dadduma pay.
Tawen 2015 idi damona a nakatrabaho ti coast guard babaen ti relief operation-da idi ti Brgy. Casiber, Calungboyan ken Rancho ta naputed ti rangtay a mangkonektar ti tallo a barangay.
Innayon ni Cacho a manipod idi saandan a nagsardeng a tumulong kaddua ti PCG kadagiti aniaman a didigra a sumangbay ti probinsia ken dagiti agkasapulan ti tulongda.
Dakkel iti panagyaman ti opisyal kangrunaan ti suporta a maawawat da babaen ti Santa Local Government Unit a mangmangted ti kasapulanda a volunteer group.
