--Ads--
VIGAN CITY – Nagpalagip iti Santa Municipal Police Station kadagiti motorsita ken kadagiti bumallasiw nga agannad kasaruno ti napasamak nga aksidente idiay Brgy. Mabilbila Sur.
Iti pannaki-uman ti Bombo Radyo Vigan kenni PLt. Joseph Fieldad, nagkiddawda kadagiti motorista a dumalyasat iti national highway iti ili ti Santa ket masapol nga aginnayadda ken agannad pakairamanan dagiti bumallasiw a kitaen umuna no awan iti lugan a sumungsungad.
Ti nasao a palagip ket inaramid ni Fieldad ta adda iti napasamak nga aksidente no sadino maysa ti pimmusay a senior citizen ta nadungpar ti motorsiklo.
Matamtaming iti driver ta nasagaba iti dunor gapo iti pasamak ken saan pay a nakapagtungtung dagiti dua a partido.
-- ADVERTISEMENT --
