Nagpalagip ti Santa Police Station kadagiti mapan iti kamposanto iti nasao nga ili kadagiti nasken nga aramidenda tapno agtalinaedda a natalged kagiddan ti piesta ti natay.
Iti pannaki-uman ti Bombo Radyo Vigan ken ni Police Captain Rovic Nelmida, nasken a mangitugot dagiti mapan iti kamposanto iti danum ken payong wenno ania man a mabalinda a paglinongan gapu iti nabara a paniempo.
Awan pay dagiti madi a pasamak a nairekordda ngem ti Rural Health Unit ken Santa Municipal Disaster Risk Reduction and Management Council ket nakasagana no bilang adda agkasapulan iti tulong.
Adda pay dagiti ambulansia ken volunteer a naka-standby a mangtulong kadagoti maulaw wenno dagiti ma-heat stroke.
Alas sais a nailukat ti kamposanto iti publiko ken agpatingga met ti alas siete iti rabii ti mabalin nga ibibisita dagiti kayatna ti mapan iti tanem dagiti pimmusay nga ay-ayatenda iti biag.
