--Ads--
Pakaidayawan ni Vince Clyde Cardenas manipud iti Santa Municipal Disaster Risk Reduction and Management Council iti panagbalinda a Beyond Compliant iti 24th Gawad KALASAG Seal and Special Awards for Excellence in Disaster Risk Reduction and Management and Humanitarian Assistance para ita a tawen iti umuna a gundaway.
Iti pannaki-uman ti Bombo Radyo Vigan ken ni Cardenas, ti pammadayaw a naawatda ti subad iti talek ken responsibilidad nga impabaklay kadakuada ni Mayor Jesus “Popoy” Bueno.
Idi napan a tawen ket saanda a napagasatan ngem isu met ti pananggundawayda kadagiti training a kasapulan tapno magun-odda ti pammadayaw.
Nagyaman ni Cardenas iti mayor ti ili ken ti konseho-lokal ket inkarina nga itultuloyda ti nasayaat a trabahoda.
-- ADVERTISEMENT --
