Vigan City – Inlawlawag ni Santa Vice Mayor Atty. Jeremy Bueno a ti SANTA RISEs ket maysa a programa a gagemna ti tumulong kadagiti micro, small ken medium enterprises tapno makasubli iti negosyoda kadua iti Nueva Segovia Consortium of Cooperatives babaen iti panangidaulo ni Dr. Divina Quemi.
Dayta ket paset iti panangpasayaatda iti kasasaad dagiti negosyante uray saan pay a naleppas iti covid-19 pandemic tapno mapalukayan iti restriction para iti ekonomia iti ili.
Segun kenni Atty Bueno, ti nasao a programa ket tulungan dagiti micro, small ken medium enterprises nga agkasapulan iti nadakdakkel a gatad a puonan agingga iti sangagasut a ribo a pisos.
Kasapulan laeng nga ipasa dagiti requirement a kasapulan kas iti pammaneknek nga agindeg iti ili, 2×2 picture ken ID tapno makaaplay iti nasao a programa.
