Kuinestionaran ni Sta. Rosa Representative Dan Fernandez ni dati a General Manager ti Philippine Charity Sweepstakes Office (PCSO) Royina Garma gapu kadagiti sanikuana ken kabaelanna a mangidonar iti dakkel a gatad ti kuarta iti maysa a party-list group.
Kabayatan ti maikapito a joint hearing ti Quad Committee, dinamag ni Fernandez iti dati nga opisial ti Pulis ken PCSO no adda mansion na iti hilltop idiay Cebu.
Inlibak ni Garma dagiti akusasyon ngem inaminna nga isu ti nang-develop ti property na babaen ti bukodna a kuarta.
Maysa kadagiti chair ti Quad Commmittee ti nangimbestiga met iti donasion ti ₱2-milion babaen ti PCSO iti sidong ti panangidaulona para iti STL Foundation a ti kasinsinna ti maikadua a nominee bayat a ti first nominee ket asawa ti maysa nga opisial ti Pulis nga asideg kenni Garma.
Naamuan pay a nasurok a ₱23-milion a pisos a tinakawna a savings manipud iti banko ken Public Safety Savings and Loan Association.
