VIGAN CITY – Sangapulo nga ili ditoy probinsia ti naiwarasan ti bagas kas paset iti panagiwaras ti ayuda babaen iti panangidaulo ni Gov. Ryan Singson iti baet ti pannakaidalan iti Enhanced Community Quarantine ti probinsia.
Dagiti Local Government Unit a nawarasan ti bagas ket iti ili ti Suyo, Sta Cruz, Candon, Santa, Narvacan, Salcedo, San Juan, Magsingal, Sto Domingo ken San Ildefonso.
Adda pay ti uppat nga ili ti naiwarasan iti manok nga isu ti ili ti Caoayan, San Vicente, Sta. Catalina ken Sto. Domingo.
Gagem ti Provincial Government a makatulong kadagiti kaprobinsiaan nga apektado iti ECQ ti probinsia ken agtultuloy iti panagpalagip ti PGIS kadagiti umili nga iyurayda a maidanun iti publiko dagiti ayuda ta mabingay-bingay pay iti umili.
