VIGAN CITY – Panaglabsing iti Presidential Decree 1602 wenno Anti-Illegal Gambling Act dagiti sangapulo ket tallo a nagsusugal iti Tamag, Vigan City.
Dagiti suspek ket da Jessica Mohon, agtawen iti duapulo ket uppat; Anette Molina, agtawen iti tallopulo ket innem, service crew; Rolly Mohon, agtawen iti sangapulo ket walo; Presentacion Dela Cruz, agtawen iti limapulo, utility iti Ilocos Sur Provincial Hospital; Mark Henry Lizarondo, agtawen iti duapulo ket siam, construction worker; Allan Molina, agtawen iti tallopulo ket walo; Riza Molina, agtawen iti tallopulo ket innem; Marivic Dela Cruz, agtawen iti limapulo ket uppat ken ni Perlina Disierto, agtawen iti innem a pulo ket uppat nga agpapada a taga-Tamag.
Nakemmeg pay da Allan Somera, agtawen iti tallopulo ket maysa, food server iti ISPH a taga-San Ildefonso; Dimas Antonio Alconis, agtawen iti limapulo ket maysa, mangisursuro a taga -Brgy IV; Sherwin Fiestan, agtawen iti innem a pulo, retirado a mangisursuro a taga-Raois; Rodolfo Arce, agtawen iti innem a pulo ket pito, retirado a government employee a taga-Bacarra; Tante Cachero, agtawen iti limapulo ket walo a taga-Pong-ol ken ni Andrea Asistin a nakalibas.
Naaktuan dagiti suspek nga agaayam iti Pusoy, Tong-its ken Mahjong ket naala kadakuada ti dua a set ti baraha, dua a set ti mahjong, uppat a lamisaan, sangapulo ket lima a tugaw kasta payen iti pusta nga aggatad iti PHP2698.
