VIGAN CITY – Sangapulo ket siam ti nakemmeg iti naduma duma a lugar iti probinsia gapu ti panaglabsingda iti Presidential Decree 1602 wenno ti Anti-Illegal Gambling Act.
Innem ti nakemmeg iti Sitio Ballaigi, Brgy Cabittaogan Sta. Catalina a da Lorenza Racca, agtawen iti innem a pulo, naasawaan a taga Sitio-Gregorio iti nasao nga ili; ni Belen Tabbay, agtawen iti limapulo ket siam, balo; ni Rebecca Rapanut, agtawen iti limapulo ket maysa, naasawaan; Joan Racsa, agtawen iti duapulo ket innem, naasaawan; Marimar Ragasa, agtawen iti duapulo ket pito, naasawaan; ken Marissa rapanut, agtawen iti tallopulo ket maysa, OFW.
Nakemmegda gapu iti panagay-ayamda ti tong-its a nagresulta iti pannakakumpiskar kadakuada PHP182 iti umuna a lamisaan ken PHP510 iti maikadua a lamisaan.
Innem met laeng ti nakemmeg iti Brgy Tampugo, Tagudin gapu iti panagay-ayamda ti bet game.
Nabigbig dagiti suspek a da Josefina Laranang, agtawen iti pitopulo ket dua, Teresita Lemi, agtawen iti pitopulo ket maysa; Edna Lanuza, agtawen iti limapulo; Maria Concepcion, agtawen iti limapulo ket walo; Susan Lopez, agtawen iti uppat a pulo ket tallo ken Jonalyn Cañas, agtawen iti uppat a pulo ket tallo nga agpapada nga agnaed ti nasao a lugar.
Naala kadakuada ti maysa a set ti baraha ken PHP480 a pusta.
Uppat met ti nakemmeg iti 2nd District ti Brgy Sulvec, ili ti Narvacan gapu iti panagay-ayamda ti mahjong.
Nabigbig dagiti suspek a da Venancia Carbolledo, agtawen iti limapulo; Ignacia Mari, agtawen iti innem a pulo ket tallo; Mercy Delos Santos, agtawen iti innem a pulo ket dua ken Jocelyn Cambaliza, agtawen iti tallopulo ket tallo nga agpapada nga agnaed ti nasao a lugar.
Naaktuan dagiti suspek nga agay-ayam iti uneg ti pagtaengan ti agnagan ti Maricel Cameña ken naala kadakuada ti maysa set ti mahjong, tallo a monoblock chair, maysa a monoblock table, ken pakabuklan a 330 pesos a gatad ti pusta.
Tallo ti nakemmeg idiay Brgy San Nicolas, siudad ti Candon gapu ta naaktoan nga agaayam metlaeng ti tong-its.
Nabigbig dagiti natiliw a da Jeric Pineda, agtawen iti duapulo ket siam, Irene Nartatez, agtawen iti tallopulo ket siam ken ni Erlinda Concepcion, agtawen ti innem a pulo nga agpapada nga agnaed iti nasao a lugar.
Naala kadakuada ti PHP410 a pusta.
