VIGAN CITY – Maidalan ti Enhanced Community Quarantine iti dua a siudad ken sangapulo ket siam nga ili iti Ilocos Sur manipod September 22- October 6, 2021 gapu iti umad-adu kaso iti covid-19.
Impakaammo ni Governor Ryan Singson iti naisayangkat a press conference iti nakailanad iti Executive Order No. 103 dagiti naidalan ti ECQ nga isu iti Vigan City, Candon City, Sinait, Cabugao, San Juan, Magsingal, Sto. Domingo, San Ildefonso, Sta. Catalina, San Vicente, Bantay, Caoayan, Santa, Narvacan, Sta. Maria, Santiago, Sta. Lucia, Sta. Cruz, Salcedo, Gregorio del Pilar ken Suyo.
Inlawlawag ni Gov. Ryan a narigrigaten iti sitwasyon iti agdama nu yarig idi napalabas a tawen ta iti probinsia iti kababaan ti kaso manipod iti sabali a probinsia.
Innayonna a dagiti naidalan iti ECQ ket adu unayen ti covid cases ken adda pay iti kaso iti delta variant a mangpakpakaru iti sitwasyon.
Maipalagip a kiddaw dagiti medical frontliners iti Provincial Government iti dua a lawas a “timeout” gapu ti surge iti kaso.
