VIGAN CITY – Nasurok sangapulo ket siam a tonelada wenno katukad iti 184,000 a pisos iti naala a fresh chicken products kadagiti dua a driver iti agpada a kompania iti Animal Quarantine Checkpoint, Brgy. Gabur Sur, Sta. Cruz.
Iti pannaki-uman ti Bombo Radyo Vigan ken ni Provincial Quarantine Officer Martel Quitoriano, dagiti nasao a produkto ket ideliverda koma kadagiti dadakkel a grocerian iti probinsia.
Segun ken ni Quitoriano, parikotda dagiti dua a driver a nakemmeg ta patienna nga agkasapulanda iti kuarta wenno adda iti bisyoda a gappuanan iti panagaramidda iti maikaniwas ta idi impakammoda iti management iti kompania a pagububraanda a mamueltada ket dinobleda iti impakammoda.
Awan iti parikot kadagiti dokumento dagiti driver ta kompletoda ngem gapu ta tinarayanda dagiti pannakabagi ti linteg ket linabsingdan iti provincial ordinance a gappuanan iti pannakakemmegda.
Sangagasut a ribo a pisos iti nadumaduma a fresh chicken product iti naala manipod iti nagmaneho ti Izusu giga ref van a ni Meliton Salada Santillan, agtawen ti duapulo ket lima, naasawaan nga agnaed idiay 635 Malabanan Sur, Candalera, Quezon idinto a walopulo ket uppat a ribo a pisos iti nadumaduma a chicken products iti naala ken ni Rosales Leogo Torres, agtawen ti uppat a pulo, driver iti Izusu Gigamax freezer van nga agnaed idiay 17 Guyabano St. Sumitville, Putatan Muntinlupa City.
