VIGAN CITY – Sangapulo ket pito nga agriculture group ti nangkondenar iti pannakakissay ti taripa ken nagkiddaw nga agikkat ni Secretary Arsenio Balisacan ti National Economic and Development Authority (NEDA) iti puestona, gapu iti maipagarup a “pro importation ideology” na.
Karaman kadagiti grupo ti SINAG, Federation of Free farmers, Kilusang Magbubukid ng Pilipinas, PHILCONGRAINS, ABONO Party-list, UBRA, Phil Egg Board, National Federation of Hog Farmers, AGAP Party-list, Phil Palay, Philippine Chamber of Agriculture and Food Inc., PhilMaize, AA, Rice Watch Action Network Inc., Integrated Rural Development Foundation, Bantay Bigas, ken P4MP.
Segun ken ni Jayson Cainglet, mangidaulo ti grupo dagiti mannalon a SINAG, nagkaykaysa amin a sangapulo ket pito a grupo ti agrikultura gapu iti punto ni Balicasan ken kontrada amin ti insingasingna a pannakakissay ti taripa kadagiti produkto ti agrikultura.
Innayon met ni Leonardo Montemayor, dati a Secretary ti Department of Agriculture (DA) ken chairperson ti Federation of Free Farmers, agsuratda ken ni Presidente Ferdinand “Bongbong” Marcos Jr., ken ikiddawda a kayatda nga Secretary Balisacan ken agsubli iti Philippine Competition Commission.
Iti sabali a bangir, kinuna ni Danny Fausto, presidente ti Philippine Chamber of Agriculture and Food, masapul nga aginana pay laeng ni Balisacan.
