VIGAN CITY – Sangapulo ket pito a pamilia iti nagbakwit iti ili ti Sto. Domingo kagiddan ti panagduprak ti Bagyo Goring.
Iti pannaki-uman ti Bombo Radyo Vigan ken ni Vice Mayor Maribert Tacbas, dagiti barangay a naapektaran iti panagbakwit ket iti Barangay Nalasin ta addan iti sangapulo ket uppat a pamilia; Barangay Cabaritan nga adda maysa a pamilia ken Barangay San Pablo nga adda ti dua a pamilia ket pakabuklan nga innem a pulo ket innem nga individual.
Segun ken ni Tacbas, dagiti evacuees ket adda iti agdama iti Peoples Coliseum iti ili ti Sto. Domingo.
Inyunay-unayna iti pannakikammayet dagiti umili iti Municipal Disaster Risk Reduction and Management Office para iti insigida a pannakaiyakarda nu bilang ngumaton iti lugarda tapno maliklikan iti aniaman a pagpeggadan.
VOICE OF VICE MAYOR MERIBERT TACBAS
