Sangapulo ket maysa a pamilia manipud iti maysa a siudad ken ili ti naibakwit iti Ilocos Sur gapu iti epekto ti bagyo Enteng.
Iti pannaki-uman ti Bombo Radyo Vigan ken ni PDRRM Officer Rhon Arquelada, maysa a pamilia ti naibakwit manipud iti Raois, Vigan City idinto a sangapulo a pamilia manipud iti Barangay Apatot, San Esteban.
Naisayangkat ti pre-emptive evacuation idiay Barangay Raois gapu ta lalayusen ti nasao a lugar.
Kabayatanna, passable amin dagiti kalsada malaksid iti Salcedo-Sigay road.
Iti agdama, naka-blue alert status ti Ilocos Sur Provincial Disaster Risk Reduction and Management Office isu nga agpatnag ti monitoring ken panangipakaammoda iti kasasaad ti panawen kadagiti agindeg.
Balakadna kadagiti adindeg nga agalibtak ken agsagana ita nga adda bagyo ditoy probinsia tapno awan ti maisagmak.
