VIGAN CITY – Sangapulo ket maysa a tattao ti nakemmeg gapu iti panagsugalda idiay Brgy Pandan, Caoayan.
Nabigbig dagiti nagay-ayam ti Tong-it’s a da Jerry Juan, agtawen ti limapulo ket maysa; Josefina Magno, agtawen pitopulo ket walo; ken Veronica Cuenta, agtawen ti innem a pulo ket tallo idinto a dagiti nagaayam ti Bingo ket da Cristy Vallejos, agtawen limapulo ket uppat; Lorna Dela Cruz, agtawen uppat a pulo ket siam; Editha Cuenta, agtawen ti innem a pulo ket lima; Ernesta Singson, agtawen innem a pulo ket innem; Marilou Cuenta, agtawen limapulo; Erlinda Baltazar, agtawen innem a pulo ket maysa; Linlin Vallejos, agtawen duapulo ket uppat ken Rita Vallejos, agtawen ti duapulo ket tallo nga agpapada nga agindeg ti Brgy Pandan, Caoayan.
Naala kadakuada ti maysa a set ti baraha, pusta nga agagatad ti 140 pesos, 212 a piraso ti bingo cards, maysa a plastic bottle, 75 a piraso ti Bingo Bulletin, ken 79 pesos a pusta iti Bingo.
Naipan dagiti nakemmeg iti RHU Caoayan para iti medical ken physical examination ket simmaruno idiay Caoayan Police Station para iti proper disposition.
