VIGAN CITY – Sangapulo ket maysa ti nainayon a nagpositibo iti Covid19 ditoy probinsia isu nga umaboten iti 377 ti total cases.
Ni ISC367 ket agtawen-iti-sangapulo ket walo a lalaki a taga-Abaccan, Sigay, returning resident, maysa nga office staff.
Naguyek, adda travel history-na iti National Capital Region ken Cavite, nai-expose iti high risk areas ken limitado dagiti nakapulapolna.
Ni ISC368 ket agtawen-iti-tallopulo ket uppat a lalaki a taga-Quinarayan, Narvacan, APOR, maysa a driver.
Nagpanateng, adda travel history-na iti Pangasinan ken nai-expose iti confirmed positive case, limitado ti nakapulapolna.
Ni ISC369 ket agtawen-iti-uppat a pulo ket innem a lalaki a taga-Quinarayan, maysa a mannalon.
Saan a makaangot iti sintomasna, awan ti travel histoty-na, nai-expose ken ni IS-362, adu ti nakapulapolna.
Ni ISC370 ket maysa a babai nga agtawen iti uppat a pulo ket walo a taga-Sulvec, Narvacan, LSI, maysa a housekeeper.
Asymptomatic, adda travel history-na iti National Capital Region, nai-expose iti high risk area ken ti confirmed case ti Ilocos Norte, limitado ti contacts-na.
Kabayatanna, ni ISC371 ket agtawen-iti-duapulo ket uppat a lalaki a taga-Quinarayan, APOR, maysa a driver.
Asymptomatic, adda travel history-na idiay Tarlac, nai-expose ken ni ISC363 ken ni ISC364, extensive ti contacts-na.
Maysa nga agtawen-iti-sangapulo ket walo a babai ni ISC372 a taga-Quinarayan, estudiante.
Sintomasna ti saan a nakaangot, awan travel history-na, nai-expose ken ni ISC362 ken adu ti contacts-na.
Ni ISC373 ket lalaki nga agtawen iti duapulo ket dua ken agtawen iti duapulo ket maysa met ni IC374, agpada a taga-Quinarayan, helper.
Nagpanateng niISC373 idinto a naggagatel ti karabukob ni ISC374, awan travel history-da, nai-expose ken ni ISC362, IC363, ISC364.
Kabayatanna, ni ISC375 ket taga-Aquib a lalaki, agtawen iti tallopulo ket dua, APOR, maysa a driver. Asymptomatic, adda travel history-na idiay Tarlac, nai-expose ken ni ISC363 ken ni ISC364, adu ti nakapulapolna.
Ni ISC376 ket agtawen iti walopulo ket tallo a babai a taga-Bateria, San Esteban, nagsakit ti rusokna, awan travel history-na, adu ti nakapulapolna.
Ni met ISC377 ket agtawen iti tallopulo ket uppat a babai a taga-Lungogm, Narvacan, RR, maysa a housewife. Asymptomatic, adda travel history-na iti National CapitalRegion, nai-expose iti high risk area ken limitado ti nakapulapolna.
