--Ads--
VIGAN CITY – Sangapulo ket maysa a burias a nakailugan iti van ti nasalamaan dagiti nakabantay a quarantine officer idiay siudad ti Candon.
Segun ken ni Provincial Quarantine Officer Martel Quitoriano, nabayagen a sipsiputanda daytoy a van babaen ti panagtitinnulong dagiti nadumaduma a sektor ket nakitada idiay Sta. Cruz ngem idiay Candon a natiliw.
Awan ti naan-anay a dokumento a naiparang ti drayber ti van a taga-Magsingal ket saanda a naibutaktak no nagapuan ken pangipananda dagiti burias.
Nupay kasta, impasigurado ti opisial a dagiti nasusukir nga iligal nga agipaspastrek iti baboy ditoy probinsia ket maipakat kadakuada ti pannusa.
-- ADVERTISEMENT --
