VIGAN CITY – Maragsakan ni Nathaniel Balbuena nga agnaed idiay Manueva, Santa agsipud ta maysa kadagiti nakapasa ti Agriculturist Licensure Examination itatta a tawen.
Nagturpos idi June 2018 ni Balbuena ken maysa kadagiti estudyante a naipatulod idiay Israel para ti on the job training na ket damo na iti agexam ngem nagasat ta naipasa na ken napunas dagiti rigat ken sakripisyo na iti panagbasa ken panagreview pakairamanan dagiti rigat dagiti nagannak ken amin a nangtulong kenkuana a nagbasa.
Nadakamat na a tatta a kalkalpas iti exam na ken naamuan nan iti resulta ket ipangruna na iti makasapul iti trabaho ditoy probinsiya wennu iti sabali a lugar, depende nu anya iti bakante a posisyon a mabalin na a sumrekan.
Maysa ni Balbuena kadagiti sangapulo ket lima a nakapasa iti nasao nga exam a nabenepisyaran iti libre a pa-review ti LGU – Santa nga idaulwan ni Mayor Jesus “Popoy” Bueno Jr, kadua na da Al Jhune Alejo, Raymart Ghil Castillo, kenni Jomar Ramilo ti Sta. Maria; Castor Jan De Guzman ti Santa; Melvin Balingcos ti Sinait; Sheryl Buquing kenni Roan Daproza ti Burgos; Vanessa Dela Cruz kenni Mary Doll Flores ti Candon City; Greg Ignacio Gagto ti Galimuyod; Aniceto Javillonar ti Salcedo; Wesley Salem ti Cabugao; Soiny Tabangcura ti Sto. Domingo kenni Jinky Ulopani ti Magsingal.
