VIGAN CITY – Kaso a panaglabsing iti Presidential Decree 1602 ti sangwen dagiti sangapulo ket lima a nagsusugal idiay Brgy Pilar, Sta Cruz a nakakustodiya itan iti police station tapno dumalanda iti usto a proseso.
Nabigbig dagiti suspek a ni Arnold Manzano, agtawen iti uppat a pulo ket maysa; Danny Lagmay, agtawen iti limapulo ket dua; Evangeline Lardizabal, agtawen iti innem a pulo ket tallo; Consolacion Velano, agtawen iti innem a pulo ket tallo; Editha Galvan, agtawen iti lima pulo ket dua; Filomen Ballocang, agtawen iti innem a pulo ket lima; Leonila Atinaja, agtawen iti pitopulo ket uppat ken ni Caridad Manzano, agtawnen iti innem a pulo ket walo.
Kabayatanna, nakemmeg pay da Sonia Lardizabal, agtawen iti tallopulo ket siam; Isabel Cabuenas, agtawen iti limapulo ket innem; Rhea Ann Cabradilla, agtawen iti duapulo ket lima; Cresencio Cabuenas, agtawen iti limapulo ket pito nga agpapada nga agnaed idiay Brgy Pilar idinto a da Maxima Marquez, agtawen iti innem a pulo ket pito ket agnaed idiay Brgy Las-ud, Teresita Velasco, agtawen iti innem a pulo ket siam ket agnaed idiay Brgy Poblacion Norte ken ni Elizabeth Ragandap, agtawen iti limapulo ket uppat nga agnaed idiay Brgy Turod nga agpapada a naaktuan nga agaayam iti mahjong ken tong its.
Naala kadakuada ti tallo a mahjong set, tallo a set ti baraha, innem a lamisaan ken pusta nga aggatad iti uppat a gasut walopulo ket innem a pisos.
