VIGAN CITY – Sangapulo ket lima a kandidato iti manipud iti nadumaduma a barangay iti Vigan City ti nangibabawi iti kandidaturana para iti Barangay and Sangguniang Kabataan Elections.
Iti pannaki-uman ti Bombo Radyo Vigan ken ni City Election Officer III Atty. Leonila Fortuna, dagitinasao a bilang ti kandidato ket manipud iti nadumaduma a posisyon.
Pagyamanan met ni Atty. Fortuna nga awan ti naglabsing kadagiti kandidato no maipanggep iti pannakaiparit pay laeng ti panagkampanya a daytoy ket naituding a marugianton inton October 19.
Kabayatanna, maisayangkat inton October 13 ti covenant signing kasta met nga inton bigat ken uray inton Sabado no umay a lawas ket ma-train dagiti poll worker nga agserbi para iti eleksyon.
Nupay kasta, binalakadanna dagiti kandidato nga umatendar iti covenant signing kasta metten dagiti botante nga usarenda ti karbenganda nga agbotos.
