VIGAN CITY – Sangapulo ket innem ti nakemmeg a nagsusugal idiay Barangay Gabao, Santiago iti naiwayat nga Anti-Illegal Gambling operation.
Nabigbig dagiti suspek a da Evaristo Elefante Eugenio, Nimfa Cielo Habon Galzote, agtawen ti tallopulo ket dua; Annafe Elegino Elefante, Janelle Eunice Prospero Elefante; Glenda Frando Eugenio; Joy Arca Balquin.
Nakemmeg pay da Marilen Guzman Elefante; Shiela Cielo Etrata, Melody Leterato Gabong, Estraeleta Aspa Naguimbang, Irene Pagulayan Bacay, Ofelia Eugenio Ranola; Rebecca Fajardo; Jocelyn Dela Cruz Sayno, Marissa Estranero Paragas, ken Marie Dela Cruz Soriano, agpapada nga agnanaed iti Brgy. Gabao, Santiago, Ilocos Sur.
Naaktuan dagiti suspek nga agbibingo ket naala kadakuada iti pusta a P1,137, lamisaan; uppat a pagtugawan, pitopulo ket lima a piraso ti bingo chips ken 265 a bingo cards.
Nupay kasta, sangwen dagiti suspek ti kaso a panaglabsing iti Presidential Decree 1602 wenno ti Anti-Illegal Gambling Act.
