VIGAN CITY – Sangapulo ket dua a pulis iti naiyalis iti destino da babaen iti bilin ni Ilocos Sur Police Provincial Office provincial director Col. Adolfo Rafanan.
Dagiti naiyalis idiay ISPPO ket isu da Police Major Rodel del Castillo a naggapu ti Santa municipal police station; Police Lt. Arnel Tobia a naggapu ti Santa municipal police station; Police Lt. Roldan Razonable a naggapu ti Sugpon municipal police station; Police Lt. Rolando Campos a naggapu idiay Cervantes municipal police station kenni Police Lt. Romar Renon a naggapu idiay Cabugao municipal police station.
Kabayatanna, dagiti met naggapu idiay ISPPO a maiyalis kadagiti naduma-duma a police station ket isu da Police Captain Bryan Tacazon a mapan idiay Sinait municipal police station; Police Capt. Arcadio Viloria a mapan idiay Sugpon MPS; Police Capt. Roger Baling-oay a mapan idiay Sta. Cruz municipal police station; kenni dati a mangidaulo ti intelligence unit a ni Police Major Andrew Rabang a mapan idiay Candon City police station kas deputy chief of police.
Ni met Police Captain Macario Dolaoan a naggapu idiay Sta. Cruz MPS ket mapan idiay Cervantes; ni Police Capt. Gerry Arzabal a naggapu Sigay MPS ket mapan idiay Santa MPS; ni Police Lt. Danilo Ricud a naggapu idiay Sta. Cruz ket agsubli idiay San Ildefonso MPS kenni Police Lt. Daniel Alviard Jr a naggapu idiay Candon City PS ket mapan idiay Sigay MPS.
Ti binakantean a posisyon ni Rabang ket temporaryo nga idaulwan ni Police Major Winnie de Vera nga isu iti agdama a Police Community Relations (PCR) Chief ti ISPPO.
