VIGAN CITY – Sangapulo a dati a miembro ti UGMO members iti Communist Terrorist Group idiay Sitio Paring, Barangay Babalasioan, Sta. Maria ti simmuko babaen ti panangimaton ti 1st Ilocos Sur Provincial Mobile Force Company.
Ti addang ket kas panangparmek iti local communist ken armed conflict iti probinsia tapno magun-od ti kinakapia ken panagdur-as.
Iti pannaki-uman ti Bombo Radyo Vigan ken ni Police Provincial Director Police Colonel Marlo Castillo, nabayagen daytoy a tignayda babaen ti panangidaulo ni Force Commander PLTCOL. Jason Nadarisay ket idi December 27 ket isu ti panagsuko dagiti rebelde.
Kiddawenna met dagiti saan pay a sumuko ta ti gobierno ket nakasagana a tumulong kadakuada.
Kabayatanna, paset ti aktibidad ti pannakaiparang dagiti simmuko nga UGMOs ken ti Oath and Signing of Allegiance da, kasta payen ti pannakaiwaras ti food packs ken tilapia kadakuada.
