VIGAN CITY – Sangapulo a tattao ti naaktuan a nagsusugal iti naiwayat nga Anti-Illegal Gambling operation idiay Brgy. Sucoc, Narvacan ket ti natiliw idinto nga adda ti lima a nakalibas.
Dagiti suspek nga adda iti Table 1 ket da Darwin Cabrera, Joel Carbonel, Romel Nacional nga agpapada a nakalibas ken ti natiliw a ni Melanie Cabreros.
Iti Table 2 ket da Gilbert Cabanting, agtawen iti uppat a pulo ket tallo; Pedro Cantorna, agtawen iti pitopulo ket siam ken ni Josephine De Peralta, agtawen iti uppat a pulo ket pito.
Iti Table 3 ket natiliw ni Allan Cabalar, agtawen iti duapulo ket tallo ken dua a saan pay a nabigbig nga agbuybuya ti nakalibas.
Kabayatanna, dagiti natiliw a nagbuya ket da Lyka Evangelio, agtawen iti duapulo ket tallo; Leonardo Caberto, agtawen iti tallopulo ket dua; Marilou Cachola, agtawen iti tallopulo ket tallo; Elaine Anne Castillo, agtawen iti duapulo ket dua; ken ni Miller Cabreros, agtawen iti duapulo ket pito nga agpapada a taga-Brgy. Sucoc.
Naaktuan dagiti suspek nga agayaam iti pusoy ken tong-its ket naala kadakuada ti lamisaan, baraha, mono block chair ken pusta a PHP620.
