Sangagasut a ribo a pisos, gatad dagiti sanikua a natakaw iti pagtaengan iti ili ti Sta. Cruz

VIGAN CITY – Maysa a pagtaengan ti natakawan ti cellphone nga agatad ti sangagasut a ribo a pisos idiay Brgy. Sevilla, Sta. Cruz.

Iti pannaki-uman ti Bombo Radyo Vigan kenni Lorna Sarmiento, saan a napuotan dagiti agnanaed ti family houseda nga adda ti simbrek a nagtakaw ti tallo a cellphone, laptop ken sapatos.

Nakariing laengen dagiti annakda nga awan dagiti cellphone ti abayda ken awan iti napukaw a sabali a alikamenda malaksid kadagiti gadgets ken sapatos.

Pattienda a simbrek dagiti agtatakaw ti tawa iti amianan a paset ti pagtaenganda ken ginandatda a serrek ti kwarto ti kabsatna ngem saanda a nagballaygi ta naka lock.

Ti agdama agtultuloy ti imbestigasyon ti kapulisan inaig iti napasamak a panagtakawan ti nasao a pagtaengan.