--Ads--
Nasken nga ipakita ni House Majority Leader Ferdinand Alexander “Sandro” Marcos a saan isuna a bias iti panangiggem ti impeachment complaint kontra ken ti ama-na a ni Presidente Ferdinand Marcos Jr.
Pinasingkedan ni Presidential Communications Office (PCO) Undersecretary ken Palace Press Officer Claire Castro nga awan pay ti impormasion-na no nagpatang dagiti ag-ama mainaig iti impeachment complaint.
Impaganetget ni Castro a no aniaman ti mandato ni Sandro ket nasken nga ipatungpal na ken saan isuna nga agbalin a bias iti reklamo.
Naipila ti reklamo iti Kamara ken isu ti kaunaan nga impeachment complaint kontra ken ni Presidente Marcos mainaig iti maipagarup a korapsion iti 2025 budget partikular iti unprogrammed funds. Reynand Fontejon
-- ADVERTISEMENT --
