Nagdesision ni House Majority Leader Sandro Marcos a liklikanna ti patangan ken deliberasion mainaig iti impeachment complaint kontra iti amana a ni Presidente Ferdinand Marcos Jr.
Segun ken ni Marcos, adda obligasionna a salwadan ti integridad ti House of Representatives tapno masalwadan met ti proseso ken mapagtalinaed ti talek iti sistema ti konstitusion ti pagilian.
Impaganetget pay ni Marcos a saan a kasapulan nga isu ket ag-inhibit ngem kas maysa a lider iti Kamara ket nasaysayaat a liklikanna pay laeng iti deliberasion ti impeachment a karaman ti presidente.
Immunan nga inwaragawag kongresista a saanna a lapdan ti aniaman a maipila nga impeachment complaints kontra iti amana.
Iti agdama, ak-akman ni Representative Sandro Marcos ti pagrebbenganna kas Majority leader ti Kamara.
