Awan kinapudno, iresponsable, awan pagibasaran ken awan ti nasayaat nga epektona iti pagilian.
Kasta ti panangiladawan ni presidential son, House Majority Leader Sandro Marcos iti pammabasul ti ikitna a ni Senador Imee Marcos kontra kenkuana ken kadagiti nagannakna a da Presidente Ferdinand Marcos Jr., ken ni First Lady Liza Araneta Marcos.
Segun ken ni Congressman Marcos, saan a galad ti maysa a napudno a kabsat ti impakita ni Senador Imee kalpasan nga imbutaktakna iti rally ti Iglesia ni Cristo nga agar-aramat iti iligal a droga ti presidente, first lady ken dagiti annakda.
Maladingitan ti presidential son iti panangtraydor ti senador iti pamiliada ken nasakit para kenkuana nga agbanag iti nakaro a kinaulbod ti arapaap ti ikitna iti pulitika.
