Winaswas ti Sandiganbayan ti kaso a graft ken falsification kontra ken ni dati a Bise Presidente Jejomar Binay, dati Makati Mayor Jejomar Erwin “Junjun” Binay Jr., ken sumagmamano pay nga adda pakainaiganna iti proyekto ti Makati Science High School.
Iti 86-pages a desision a naipaulog idi Disiembre 13, 2024, pinatgan ti anti-graft court ti demurrer kadagiti ebidensia nga inpila dagiti Binay ken dagiti kaduada nga akusado, nga napaay ti prosecution a nangidatag iti umdas nga ebidensia a mangsuporta iti conviction-da.
Ti pangngeddeng ti korte, in-dismissed da pay iti 13 a dadduma pay a kaso kriminal a naipila kontra kadagiti Binay ken dagiti kakaduada, a nangpalubos kadakuada a mangala manen kadagiti bail bonds-da ken maikkat ti aniaman a restriction iti panagbiahe a naipaulog kadakuada.
Nagtaud ti akusasion iti alegasion iti procurement process para iti proyekto ti Makati Science High School, a nakairamanan ti architectural and engineering services nga aggatad iti P17.4 million ken construction services nga aggatad iti P1.3 billion.
