Nakaawat ti maysa a prank caller a nagpammarang a Prosecutors iti probinsia ti San Esteban Municipal Police Station idi kalman ti bigat, Hulyo 12.
Segun ken ni PSSg Miguel Carlo Agpalo, nakaawat ti tawag iti issued mobile phone ti San Esteban MPS manipud ti mobile number 09454504792.
Ti caller ket nagpayyam- ammo Prosecutor iti Ilocos Sur ket aggsapsapul ti imbestigador a mangiggem ti RA 9165 cases.
Nagkiddaw ti naan-anay a pakabigbigan ti caller ni Agpalo ngem nagkedked daytoy nga ibaga ti nagan na ket kellaat na iniddep ti tawag.
Babaen ti beripikasion ti kapulisan iti Prosecutors ti Ilocos Sur, kinumpirmaranda a ti nausar a mobile number ket awan ti pakainaiganna iti aniaman a prosecutor ken awan ti prosecutor manipud iti opisina da ti timmawag mainaig iti nadakamat a banag.
