Kinumpirmaran ti Mandaluyong City Police a ti sampaguita vendor a kinugtaran ti security guard iti ruar ti shopping mall ket estudiante ken saan a kameng ti sindikato.
Segun ken ni Mandaluyong City Police Chief Police Colonel Mary Grace Madayag, ti estudiante ket scholar ti maysa a pribado nga institusyon ken agilaklako iti sampaguita tapno adda pagbayadna kadagiti kasapulanna nga agadal.
Innayonna pay a ti pagtaenganda ti nademolish kas kinumpirmaran ti barangay government.
Makita iti viral video ti pannakisungbatna iti ubing a nakasuot iti school uniform iti SM Megalmall ket idi timmakder ti ubing, dinadaelna ti sampaguita garlands nga ilaklakona sa na inkugtar.
Gapu iti pasamak, inikkaten ti SM Megamall ti nasao a gwardya idinto a ti Philippine National Police Civil Security Group ket agimbestigar tapno makita no ania ti mabalin a sangwenna a pannusa.
Nakasagana met ti Department of Social Welfare and Development a mangipaay iti psychosocial support ken dadduma pay a tulong iti ubing.
