VIGAN CITY – “Saan da a nakasagana” dayta ti reaksyon ni dati a Bacolod- Samahang Weightlifting ng Pilipinas president Monico Puentevella iti resulta ti ay-ayam ti Gilas Pilipinas kontra Italy idi August 31 idiay Foshan province, China iti panangrugi iti kampanya da ti FIBA World Cup.
Segun ken ni Puentevella , arig na inay-ayam laeng dagiti players ti Gilas ti laban da kontra Italy ta adu dagiti gundaway a maka-shoot da kuma ngem saan da a naaramid.
Agsipud iti dayta, nadismaya ni Puentevella ta ninamnama na a napintas iti pagbanagan ti ay-ayam ti Gilas kontra Italy ta kanayon a maipadpadamag a nainget iti panagsanay dagiti players ngem iti inpakita da idi Sabado ket kasla saan da a sineryoso iti panagsanay da.
Nu man pay kasta, namnamaen iti sports official a kadagiti sumarsaruno nga ay-ayam ti Gilas ket napintas ton iti performance da ken tutukan da a naimbag iti panagay-ayam da.
