VIGAN CITY – Nainaguraran ti salt making facility ken iodizing machine idiay San Pedro, Narvacan.
Iti pannaki-uman ti Bombo Radyo Vigan ken ni Kapitan Ernie Molina, dakkel a tulong dayta para kadagiti agindeg iti nasao a barangay ken tapno maikkanda iti pagsapulan ken maaddaanda iti nalaklaka a paggatangan iti asin.
Segun ken ni Molina, apaman a naamoanna nga adda iti pondo nga agtaud iti Department of Agriculture a maipaay para ti panagaramid iti asin ket kiniddawna iti mayor iti nasao nga ili a maipaay iti barangayda.
Immunan a naaddaan ti seminar ket adda ti nangirepresentar iti barangay a napasamak idiay Panagsinan, nga isu metten ti mangisuro kadagiti agtrabaho iti nasao a barangay.
Maaddaan ti 1st ken 2nd batch nga agtrabaho isu nga adda iti agsisinnublat para iti panagduty iti bigat ken rabii.
Kabayatanna, nagyaman ni Molina iti Local Government Unit babaen ti panangidaulo ni Mayor Pablito Sanindad Sr. ta napili ti barangayna a pakaipatakderan ti nasao a proyekto.
TIMEK NI KAPITAN ERNIE MOLINA
