VIGAN CITY – Binigbig ni First Lady Marie Louise “Liza” Araneta Marcos iti sakripisyo dagiti mangisursuro iti pagilian kagiddan iti selebrasyon iti National Teachers’ Day 2022 nga addaan ti tema a “Gurong Pilipino, Dangal ng Sambayanang Pilipino” a naisayangkat idiay Abra Sports Complex.
Segun ti first lady, nagisuro isuna iti nasurok duapulo ket lima a tawen isu a patienna a ti panagisuro ket maysa a noble profession ket patienna a dagiti mangisursuro ket rumbeng laeng nga agbalin nga organized, maaddaan ti napintas a lesson plan, panunoten iti wagas ken pagbalinen nga interesado iti lesson, aganus ken agbalin a napagpakumbaba.
Bigbigenna pay ti panagbalinda a sigurado tapno laeng maipaay iti dekalidad nga adal para kadagiti estudyante nu pay adda dagiti dakkel a karit a sumangsangbay a kas iti covid pandemic.
VC – FIRST LADY LIZA MARCOS
Linagipna pay iti sinarita ni President Ferdinand Marcos Jr. a ti edukasyon laeng iti maipatawid kadagiti annak a siasinoman ket awan ti makaala isu a rumbeng laeng a saan nga agtipid para kadagiti pagkasapulanda isu a patienna a rason dayta nu apay a dakkel ti pondo ti DepEd.
VC – FIRST LADY LIZA MARCOS
