VIGAN CITY – Inlawlawag ni Dr. Trina Tabboga Talaga a ti pannakaipatungpal iti Safety Seal Certification ket wagas tapno masigurado iti kinatalged ti umili kagiddan iti pannakalukat iti ekonomia iti probinsia.
Segun ken ni Dr. Talaga, ti Safety Seal Certification ket voluntary certification scheme a mangpaneknek a ti maysa nga establisyimento a sumursurot iti minimum public health standard nga inyetnag iti gobierno.
Nupay kasta ket adda iti mapapasungadan nga iruar ni Gov Ryan Singson nga Executive Order a mangbilin kadagiti Local Government Units a mangmonitor kadagiti establisyimento inaig iti pannaka-isyu iti safety seal.
Innayonna a saan a nadaras iti nasao nga addang ta nakadepende iti monitoring team ta pagtitinnulongan dayta ti DILG, DOLE, PNP, DTI, Provincial Task Force, Disaster Risk Reduction and Management iti probinsia ken LGU.
