Nagpalagip ti Department of Health iti publiko para iti nataltalged a panagnaig dagiti agayan-ayat kagiddan ti Valentine’s Day.
Segun iti DOH, makatulong ti safe sex a salwadan ti bagi kadagiti sexually transmitted illnesses ken uray iti saan a namnamaen a panagsikog kasta payen ti epektibo a family planning.
Palagip ti ahensia a no adda pay laeng iti “dating stage” wenno saan pay a nagkallaysa ket nasaysayaat no agaramat iti proteksion wenno contraceptives kas ti condom, lubricants, ken pre-exposure prophylaxis wenno prep.
Napateg pay ti pammalubos ken limitasyon ti tunggal maysa no maipanggep iti physical intimacy.
Para met kadagiti single, no plano ti ag-leave iti trabaho tapno idate ti bagi ket napateg a mangituding iti limitasyon ken agplano a nasayaat.
