VIGAN CITY – Awan ti parikot ken ni Provincial Health Officer Dr. Trina Tabboga Talaga iti kinuna ni President Ferdinand Marcos Jr. nga awanen ti maipatungpal a lockdown iti pagilian.
Iti pannaki-uman ti Bombo Radyo Vigan ken ni Talaga, nakitan iti nagbalin nga epekto iti ekonomia ta agingga itatta ket manarimaan pay laeng iti recovery iti probinsia.
Segun ken ni Talaga, ti napateg ita ket agannad ket nu addaan iti sintomas wenno positibo iti covid-19 ket insigida a ma-isolate tapno saanen a makaakar.
Kabayatanna, inlawlawag ni Dr. Talaga a ti pondoan iti gobierno para iti panagpatakder iti adadu a health center ket dagiti nabigbig a lugar nga adayo wenno agkurkurang ti health center-da ket saan laeng a rural health center wenno city health office ti maipatakder ta karamanen ti barangay health station.
