VIGAN CITY- “Saan kan a makibibiang iti pannakaadal ti pondo’, dayta ti sungbat ni House Majority Leader Rolando Andaya kenni presidential spokesperson Salvador Panelo a nagkuna a nagkurang ti ‘common sense’ na gapu iti panangipilit na a maipatungpal ti maikapat a paset ti pannakaipangato ti sweldo dagiti mangmanged iti gobierno.
Ti exclusive interview ti Bombo Radyo Vigan, kinuna ni Andaya a saan nga agkurang ti ‘common sense’ na ta dagiti ibagbaga na ket maibasar iti atiddog a kapadasan na iti ‘budgetting’ isu nga aamo na a mabalin a maipatungpal ti nayon a sweldo iti salinong ti Salary Standardization Law (SSL) ta naipatungpalen kadagiti napalpalabas nga administrasyon.
Kabayatanna, patien ni Andaya nga ar-aramaten ti DBM ti saan a panangipatungpal ti nayon a sweldo a pangbutbuteng kadagiti mangmangged iti gobierno tapno isuda a mismo ti mangpursar iti kongreso nga apprubaranen ti pondo.
Nupay kasta ket ammo ni andaya a nasisirib dagiti empleyado ta ammo da a mabalin latta a maipatungpal ti nayon a pondo kas kadagiti napalabas nga admistrasyon.
Inawagan pay ni Andaya ti DBM secretary a natangken ti ulo na ta saan na a kayat a dumngeg kadagiti senador ken kongresista ta ti ipagarup na ket isuna laeng ti makaammo iti panagusar ti pondo.
