--Ads--
VIGAN CITY – Madanagan ni House Deputy Speaker ken Quezon 2nd District Rep. David Jay-jay Suarez nga agingga ita ket saan pay a nasapulan ni Kingdom of Jesus Christ lider Pastor Apollo Quiboloy.
Segun ken ni Suares, ti panaglemmeg ni Quiboloy ket mangipakita ti kinaawan respeto iti gobierno ken kadagiti linteg iti pagilian.
Kinunana a mano a bulanen ti manhunt kontra ken ni Quiboloy kalpasan a nangiruar ti arrest order iti Senado ken Kamara malaksid pay ti arrest warrant nga inruar dagiti korte idiay Davao ken Pasig City.
Panawaganna kadagiti pannakabagi ti linteg a doblien ti panagtrabahoda tapno masapulan ni Quiboloy ken sangwenna dagiti alegasyon a sexual abuse, child abuse ken human trafficking.
-- ADVERTISEMENT --
