VIGAN CITY – Pinasingkedan ni Ilocos Sur Provincial Hospital – Gabriela Silang Chief Dr. Trina Tabboga Talaga a rumbeng a sakbay ti panagbiahe dagiti sumrek iti probinsia ket nasimpadan ti panag-applyda iti Safe, Swift and Smart Passage wenno S-PaSS.
Iti pannaki-uman ti Bombo Radyo Vigan ken ni Dr. Talaga, kaaduan a sumsumrek iti probinsia ket iti umiso nga aldaw a kaaddada iti border iti panag-apply da isu a saan nga insigida a maproseso.
Inlawlawag ni Dr. Talaga a “nationwide” iti S-PaSS ket saan a ti probinsia laeng iti agar-aramat.
Inyunay-unayna nga ag-apply dagiti traveler sakbay ti panagbiaheda wenno nasaysayaat nu dua wenno maysa nga aldaw sakbay ti panagbiahe iti probinsia a papananda tapno saanda a maaddaan ti parikot iti panagserrekda.
Maibasar ti proseso ti S-PASS Code, umuna nga agaramid iti Personal S-PaSS account babaen iti phone number ken mangala iti bukod a QR code; maikadua ket iti panangipan ti 10 digit mobile number ken password; ag-fill-up iti Full Personal details ken pinduten iti submit; ken i-login iti registered S-PaSS account digital mobile number ken password.
