VIGAN CITY – Maiwaras inton Martes, May 17 ti Ryan Rice Seed ken Foliar Fertilizer kadagiti mannalon idiay People’s Coliseum iti ili ti Sto. Domingo.
Iti agsapa ti Martes ket mawarasan dagiti mannalon manipud iti Barangay Napo, Sta. Cruz, Pangpangdan, Flora, Paguraper, Naglaoa-an, Camestizoan, Cabigbigaan, Binalayangan, ken Suksukit.
Iti met malem ket batang ti Barangay Sived, Vacunero, Panay, Padu Chico, Nanerman, Casili, Calay-ab, Cabaritan, ken Padu Grande kasta payen a gundaway met dagiti mannalon a saan a nakaala iti bin-I na idi naudi a panagiwarasan nga aggapu iti Barangay Calautit, Lagatit, Borobor, Paras, ken Parada.
Maysa a pack ti maited kadagiti mannalon a ti taltalunenna ket 0.3 nga ektarya agpababa; dua a pack kadagiti agtaltalon iti 0.31 agingga 0.6 nga ektarya; ken tallo a pack met kadagiti agtaltalon iti 0.61 agingga maysa nga ektarya.
Kabayatanna, dagiti nasursurok ngem maysa nga ektarya ti taltalunenna ket maikkanto iti sumaruno a panagwaras iti Certified seeds.
Naipalagip kadagiti mannalon a madi iti proxy a mapan agawat.
