Posible a mabayagan pay sakbay a makapanaw iti pagilian ni Russian vlogger a ni Vitaly Zdorovetskiy, makabulan kalpasan ti vlog-na.
Kinumpirmaran ti Bureau of Immigation a naiyakar iti kustodiya ti Bureau of Jail Management and Penology wenno BJMP ti Russian vlogger a saan a nagustoan iti adu a Pilipino gapu iti panagangawna.
Segun ti BI, June 11 idi naiyakar iti BJMP ni Zdorevetskiy a sumangsango iti agsusukot a kaso kalpasan a nakemmeg idi Abril gapu iti immigration laws.
Saan nga inawat ti BI ti kiddawna a makapyansa ken agtalinaed iti pagbaludan agingga saan a nasolbar dagiti kaso a sangsangwenna.
Siguradoen met ti BI a saanda nga ikkan ti special treatment ti gangannaet nangruna ket naglabsing iti linteg ken inabusona iti panagbalin a hospitable dagiti Pilipino.
