Pakadanagan ni Presidente Ferdinand “Bongbong” Marcos Jr. ti nasaripatpatan a Russian submarine iti West Philippine Sea idi napan a lawas.
Segun ti Presidente, makapadanag ti aniaman nga intrusion idiay West Philippine Sea wenno exclusive economic zone ti Pilipinas.
In-track ti Philippine Navy ti submarine a nabigbig a Russian Navy Ufa, tapno maamuan ti identity ken intention-na.
Basar ti Submarine, agur-urayda iti nasaysayaat a paniempo sakbay nga ituloyna ti panagbiahena idiay Vladivostok, Russia.
Manipud Malaysia, ti Russian attack submarine ket immuna a nakita iti 80 nautical miles iti laud ti Occidental Mindoro idi Nobiembre 28.
Segun iti Philippine Navy, saan a nag-submerge ti Ufa gapu ta in-inut a nagpaamianan iti ruar ti Philippine territorial waters.
Gapu dayta, inyunay-unay ti Philippine Navy ti panagkumitna a mangsalaknib iti maritime sovereignty ti pagilian ngem kasapulan a pagtalinaedenda ti professionalism a maki-interact kadagiti foreign naval vessels.
