Inlawlawag ni Philippine Navy Spokesperson for the West Philippine Sea Rear Admiral Roy Vincent Trinidad nga awan ti nalabsing nga international law iti Russian submarine UFA 490 a dimmalan ti 80 nautical miles iti laud a paset ti Cape Calavite, Occidental Mindoro idi Huebes.
Segun ken ni Trinidad, otorisado iti panagdalan ti submarine iti Exclusive Economic Zone a kas mayataday iti freedom of navigation iti salinong ti United Nations Convention on the Law of the Sea.
Inlawlawagna nga umuna a daras laeng a nakamonitor iti pagilian ti submarine nga insigida a natignayan ti Armed Forces of the Philippines.
Naideploy dagiti uppat nga aircraft ken vessels iti AFP kalpasan a na-detect iti Russian submarine.
Nagtignay iti radio communication ti nasao a submarine a nangibagaanda nga ururayenda laeng a sumayaat iti sitwasyon sakbay a nagturong idiay Vladivostok, Russia.
