--Ads--
VIGAN CITY – Rurogen idi masarakan iti kanal ti kabambantayan ni Artemio Tio-ac, mannalon ken agnaed iti Brgy. Buguibog, Salcedo a mapukpukaw idi August 24, 2016.
Impakaammo ni Brgy. Capt. Honesto Mocaleng kadagiti pannakabagi ti linteg ti Salcedo nga adda nasarakanda a rurog iti kanal iti kabambantayan a paset iti nasao a lugar.
Agtawen ti pitopulo ket maysa ti biktima idi naipakaammo kadagiti pannakabagi ti linteg a mapukpukaw ngem kalpasan iti mano a tawen ket sa laeng nasarakan.
Nabigbig ti rurog babaen ti putot ken dagiti apona sa maysa a nagilasinanda ti lupot ni Tio-ac nga isu ti kawesna idi mapukpukawen isuna.
-- ADVERTISEMENT --
No pay kasta, nagpatulongen ti Salcedo PNP iti Scene of the Crime Operatives (SOCO) para iti imbestigasyon.
